Բժիշկները հորդորում են դեղերը ընդունել միայն մաքուր ջրով՝ խուսափելով թեյից, կաթից և հյութերից
Հասարակություն
«Р-Фарм» ընկերության առողջապահական տնտեսագիտության տնօրեն Ալեքսանդր Բիկովը «Известия»-ի հետ զրույցում խորհուրդ է տվել դեղամիջոցներն ընդունել բացառապես մաքուր ջրով։ Նրա խոսքով՝ թեյը, սուրճը և կաթը կարող են խաթարել դեղերի ազդեցությունը․ տանիններն ու կոֆեինը նվազեցնում են նյութերի կլանումը, իսկ կաթում առկա կալցիումն ու կազեինային սպիտակուցները ձևավորում են կայուն միացություններ՝ հատկապես թուլացնելով տետրացիկլինային հակաբիոտիկների արդյունավետությունը։
Բիկովը զգուշացրել է նաև հյութերի վնասակար ազդեցության մասին․ ցիտրուսային հյութերը քայքայում են դեղերի պաշտպանիչ պատյանը, ինչի հետևանքով հնարավոր է ստանալ չափից շատ դեղանյութ։ Գեյփֆրուտի հյութը խոչընդոտում է լյարդի ֆերմենտների աշխատանքը, ինչը բարձրացնում է դեղերի կոնցենտրացիան արյան մեջ և մեծացնում կողմնակի ազդեցությունների վտանգը։
Մասնագետը հավելել է, որ դեղերի լուծման գործընթացին կարող են վնասել գազավորված և չափից շատ տաք ըմպելիքները։ Եթե մաքուր ջուր հասանելի չէ, իսկ դեղի ընդունումը կենսական նշանակություն ունի, թույլատրելի է այն խմել ցանկացած մատչելի հեղուկով, սակայն միայն որպես արտակարգ միջոց։
ՈՒՂԻՂ ԵԹԵՐ
Ամենադիտված 
«Լևոն արքայի» նկատմամբ որպես խափանման միջոց է ընտրվել տնային կալանքը (տեսանյութ)
