Թրամփը հայտարարել է Վենեսուելայի թմրակարտելի երեք անդամի սպանության մասին

Երեք վենեսուելացի թմրավաճառներ սպանվել են միջազգային ջրերում տեղի ունեցած կետային հարվածի արդյունքում։ Այս մասին հայտարարել է ԱՄՆ նախագահ Դոնալդ Թրամփը Truth Social սոցիալական ցանցի իր էջում։

Ըստ Թրամփի՝ հարվածը հասցվել է այն ժամանակ, երբ երեք վենեսուելացի «նարկոտեռորիստներ» թմրանյութեր էին տեղափոխում միջազգային ջրերով։

Նա մանրամասնել է, որ գործողությունն իրականացրել է ԱՄՆ հարավային հրամանատարությունը, և ամերիկացի զինծառայողներ չեն տուժել։ Սպիտակ տան ղեկավարը նշել է, որ թմրանյութերը ուղևորվում էին Միացյալ Նահանգներ, որտեղ դրանք «մահացու զենք» են, որն օգտագործվում է ամերիկացիներին թունավորելու համար։