Եվրոպան սրում է իրավիճակը. ՌԴ

Եվրոպան փորձում է ավելի սրել միջուկային անվտանգության ոլորտում լարվածությունը․ այս մասին «Лента.ru»-ի հետ զրույցում հայտարարել է ՌԴ Պետդումայի միջազգային գործերի կոմիտեի նախագահի տեղակալ Սվետլանա Ժուրովան։ Նա այսպես մեկնաբանեց Էստոնիայի պաշտպանության նախարար Հանно Պևկուրի առաջարկը՝ երկրի տարածքում տեղակայել միջուկային զենք կրող կործանիչներ։

Ժուրովայի խոսքով՝ ՆԱՏՕ-ն մեծացրել է եվրոպական երկրների ֆինանսական ներդրումների չափաբաժինը, և իշխանությունները այժմ փորձում են «հիմնավորել այդ ծախսերը»՝ օգտագործելով ամենատարբեր ինցիդենտներ։ «Թվում է՝ ցանկացած պատրվակ օգտագործվում է բացատրելու համար, թե ինչու են ավելացրել վճարները։ Իսկ Եվրոպան, հատկապես 2026-ի բանակցություններից առաջ, փորձում է սրել իրավիճակը միջուկային զենքի շուրջ», – նշել է պատգամավորը։

Նա նաև ենթադրել է, որ նման հայտարարությունները արվում են հասարակությանն համոզելու համար․ «Կփորձեն ասել՝ դուք կկյանքեք ավելի վատ, բայց իբր կունենաք անվտանգություն։ Չնայած իրականում ոչ ոք չի սպառնում։ Այո, հատուկ գործողության ընթացքում կարող են լինել տեխնիկական շեղումներ, բայց ոչ այն նպատակով, որ հարվածեն որևէ երկրի տարածքում»։ Մինչդեռ ՌԴ ՊՆ-ն արդեն հերքել էր Էստոնիայի օդային տարածքի խախտման մասին լուրերը՝ նշելով, որ МиГ-31 կործանիչները կատարել են պլանային թռիչք Կարելիայից դեպի Կալինինգրադ։