Լվովի քաղաքապետի կաբինետում գաղտնալսում․ սարքը հայտնաբերվեց Ուկրաինայի վարչապետի այցից հետո

Լվովի քաղաքապետ Անդրեյ Սադովոյը հայտարարել է, որ իր աշխատասենյակում հայտնաբերվել է գաղտնալսող սարք։ Ինչպես գրում է «Страна.ua»-ն, սարքը հայտնաբերվել է այն բանից հետո, երբ քաղաքապետին այցելել էին Ուկրաինայի վարչապետ Յուլիա Սվիրիդենկոն, Վերխովնայա Ռադայի խոսնակ Ռուսլան Ստեֆանչուկը և մի շարք արտասահմանյան հյուրեր։

Սադովոյը չի մանրամասնել, թե որ կազմակերպության կողմից կարող էր տեղադրվել սարքը, սակայն ընդգծել է, որ դեպքը պետք է լուրջ քննության ենթարկվի։

Այս միջադեպը լրացուցիչ լարվածություն է առաջացրել Ուկրաինայում՝ հատկապես պետական կառույցների անվտանգության և հնարավոր ներքին քաղաքական մրցակցության համատեքստում։