Սեպտեմբերի 22-ին Նյու Յորքում պաշտոնապես մեկնարկեց «Concordia» 15-րդ տարեկան գագաթնաժողովը

Արդեն 15 տարի շարունակ Concordia-ն համախմբում է համաշխարհային համայնքը՝ նպաստելով համերաշխության ձևավորմանը, կարևոր նախաձեռնությունների առաջխաղացմանը և աշխարհի ամենահրատապ խնդիրների լուծման ուղիների որոնմանը։

Concordia-ն վերահաստատում է իր հանձնառությունը՝ ստեղծել հարթակ, որտեղ համախմբվում են բազմազան կարծիքներ ու ձայներ, ձևավորվում են երկարատև համագործակցություններ և ձևաչափեր, որոնք իրական ազդեցություն են ունենում։

Հայաստանի Հանրապետության նախագահի գլխավորությամբ գագաթնաժողովին մասնակցում է նաև Հայաստանի պատվիրակությունը։

Միջոցառման շրջանակում տարբեր քննարկումների ժամանակ հանդես կգամ որպես բանախոս, երկկողմ հանդիպումներ կունենամ կենսաբազմազանության պահպանության ոլորտում գործունեություն ծավալող ԱՄՆ խոշոր բնապահպանական կազմակերպությունների, բարեգործական հիմնադրամների և հասարակական կազմակերպությունների հետ, ում հետ կքննարկենք առաջիկա COP 17-ին վերջիններիս կողմից հնարավոր աջակցության և մասնակցության հարցերը։