Աֆղան տղան Քաբուլից Դելի է թռել՝ թաքնվելով ինքնաթիռի շասսիում

Աֆղանստանի Քունդուզ քաղաքից դեռահասը Հնդկաստանի մայրաքաղաք մեկնող ինքնաթիռի շասսիում, հաղորդում է The Indian Express-ը։

13-ամյա տղան սեպտեմբերի 21-ի առավոտյան նստել է KAM Air ավիաընկերության Քաբուլից դեպի Նյու Դելի մեկնող ինքնաթիռը, որի թռիչքը տևում է 94 րոպե։

Ինդիրա Գանդիի անվան միջազգային օդանավակայանում նա թափառել է թռիչքուղու վրա, որտեղ նրան նկատել և տարել են անվտանգության ծառայություն։ Պարզվել է, որ նա թաքնվել էր շասսիում՝ «հետաքրքրասիրությունից դրդված», ծրագրելով թռչել Քաբուլից Թեհրան, սակայն սխալմամբ նստել էր Հնդկաստանի մայրաքաղաք մեկնող ինքնաթիռը։  

Մասնագետների կարծիքով՝ առանց տոմսի ուղևորը հրաշքով է ողջ մնացել։ Ինքնաթիռները թռչում են 9000-ից 12000 մետր բարձրության վրա, որտեղ ջերմաստիճանը իջնում ​​է մինչև -50 աստիճան Ցելսիուս։

Հաղորդվում է, որ դեռահասին արդեն հետ են ուղարկել Քաբուլ։