Ես քրեական ենթամշակույթ կրող անձանց հետ սեղան չեմ նստում․ Հայկ Սարգսյան (տեսանյութ)
ՔաղաքականՔՊ-ական պատգամավոր Հայկ Սարգսյանը լրագրողների հետ զրույցում ասաց՝ Փարաքարի սպանությունների հետ ինքը որևէ կապ չունի։
«Փարաքարի դեպքի հետ կապված ԱԺ-ում ես ելույթ եմ ունեցել 2025 թվականի փետրվարին, երբ տեղի էր ունեցել հայտնի դեպքը Մերձավանում, որտեղ տեսանյութերից հայտնի էր դառնում, որ աշխատել են ինքնաձիգ ու հրազենային այլ միջոցներ, վիրավորվել էր մեկ անձ, մեկն էլ մահացել էր, ես ՆԳ նախարարին հարց եմ տվել, թե կանխարգելիչ ի՞նչ միջոցառումներ են տարվել, որ այս երկու խմբերի միջև թշնամության հետևանքով չլինեն դժբախտ պատահարներ, ու անհրաժեշտ կանխարգելիչ աշխատանքների պատշաճ չկատարման արդյունքում ունեցել ենք զոհ ու վիրավոր»,- ասաց նա։
Պատգամավորը վստահեցրեց, թե ինքը հեռու է քրեական ենթամշակույթից․ «Ես դեմ եմ քրեական ենթամշակույթին, պարբերաբար հարցեր եմ տալիս ԱԺ–ում և աշխատանք ենք տանում, որ քրեական ենթամշակույթը արմատախիլ արվի մեր երկրից։ Ես քրեական ենթամշակույթ կրող անձանց հետ սեղան չեմ նստում»,– նշեց նա։
Սարգսյանը նաև հայտնեց, որ Մհեր Ախտոյանի հետ լուսանկարը եղել է տարիներ առաջ, չի հիշում, թե վերջին անգամ երբ է տեսել․ «Անգամ իր հեռախոսի համարը չունեմ։ Իր հետ ծանոթացել եմ փողոցային պայքարի ժամանակ»։
ՈՒՂԻՂ ԵԹԵՐ
Ամենադիտված 
Նազենի Հովհաննիսյանը՝ գեղեցիկ կարգավիճակում (տեսանյութ)
