2011–ին բանտից ազատ արձակվեցի հենց Եվրոպայի խորհրդի, ԵԽԽՎ–ի, ՄԻԵԴ–ի հետևողականության շնորհիվ․ Փաշինյան (տեսանյութ)

ԵԽԽՎ բանաձևերը Հայաստանի ժողովրդավարության դժվար ճանապարհի մշտական ուղեկիցն են։ Շատ դեպքերում մարդիկ Հայաստանում անհամբերությամբ ու լարվածությամբ են սպասել դրանց ընդունմանը՝ ընտրությունների կեղծումների, հավաքների արգելքների, քաղբանտարկյալների ազատության, արդարադատության ներպետական հույսերը սպառված համարելով։ Այս մասին ԵԽԽՎ–ում հայտարարեց Նիկոլ Փաշինյանը։

Նա նշեց, որ ՄԻԵԴ–ը վերջերս շատ կարևոր վճիռ կայացեց Մարտի 1–ի զոհերի գործով՝ արձանագրելով նրանց կյանքի իրավուքնի խախտումը պետության կողմից, նրանց մահվան հանգամանքների վերաբերյալ քննության անարդյունավետ լինելը։ 

«2008 թվականի մարտի 1–ին ես ընդդիմության շարքերում էի, հետո ստիպված էի ընդհատակ անցնել, հետո կամավոր կերպով դուրս գալ ընդհատակից, որից հետո կալանավորվեցի և դատապարտվեցի 7 տարվա ազատազրկման։ Այդ ողջ ընթացքում ես ինքս անհամբերությամբ էի սպասում ԵԽԽՎ–ից և ՄԻԵԴ–ից եկող լուրերին։ ԵԽԽՎ–ում հնչող բանաձևերն ու ելույթները մեզ՝ Հայաստանում ժողովորդավարության համար պայքարողներիս, հույս ու ուժ էին տալիս։ Չեմ մոռանա այն օրը, երբ բանտում ինձ այցելեց Եվրոպայի խորհրդի Մարդու իրավունքների գլխավոր հանձնակատարը։ 2011 թվականին բանտից ազատ արձակվեցի հենց Եվրոպայի խորհրդի, ԵԽԽՎ–ի, ՄԻԵԴ–ի հետևողականության շնորհիվ՝ 7 տարվա փոխարեն անազատության մեջ մնալով 1 տարի 11 ամիս»,– հայտարարեց Փաշինյանը։