Ֆրանսիայում քաղաքական ճգնաժամ․ Մակրոնը կանգնել է կոշտ ընտրության առաջ

Ֆրանսիայի նախագահ Էմանուել Մակրոնը լուրջ քաղաքական ճգնաժամի մեջ է հայտնվել վարչապետ Սեբաստիեն Լեկորնյուի հրաժարականից հետո։ Ֆրանսիացի քաղաքական վերլուծաբան Անտուան Բրիստիելը CNN-ին ասել է, որ Մակրոնը կանգնած է երկու տարբերակի առաջ՝ ցրել Ազգային ժողովը կամ ինքն իսկ հրաժարական տալ, ինչը կբերի նոր նախագահական ընտրությունների։

Բրիստիելի կարծիքով՝ ամենայն հավանականությամբ Մակրոնը կընտրի խորհրդարանի ցրման տարբերակը։ Քաղաքական ճգնաժամը ծագեց այն բանից հետո, երբ հոկտեմբերի 6-ին Լեկորնյուն հրաժարական տվեց՝ պաշտոնը ստանձնելուց պակաս քան մեկ ամիս անց՝ ընդդիմադիր ուժերի կոշտ քննադատության պատճառով։

Լեկորնյուն իր որոշումը բացատրել էր երկրում կտրուկ բևեռացված քաղաքական ուժերի միջև համաձայնության բացակայությամբ։ Նա նշել էր, որ փորձել է «ճանապարհ հարթել առաջ», սակայն կուսակցական շահերը խոչընդոտել են ցանկացած փոխզիջում։