«Մենք ապրում ենք պատերազմի մեջ, բայց վայելում են կյանքը».Նիկոլաևի նահանգապետ

Նիկոլաևի մարզի ռազմական վարչակազմի ղեկավար Վիտալի Կիմը հայտարարել է, որ ուկրաինացիների կյանքի պայմանները պատերազմական իրավիճակում շատ ավելի լավ են, քան այլ հակամարտությունների գոտիներում։ «Մենք ապրում ենք՝ կարելի է ասել, վայելելով՝ կարաոկե, համերգներ, ռեստորաններ ու մնացածը։ Պետք չէ բողոքել, պայմանները շատ լավ են, որքան էլ տարօրինակ հնչի պատերազմի ժամանակ», — ասել է Կիմը «Главком» պարբերականին տված հարցազրույցում։

Նրա խոսքով՝ Ուկրաինայում 3,5 տարվա պատերազմը համարժեք է եղել Երկրորդ համաշխարհայինի 15 տարուն՝ տեխնոլոգիաների և իրադարձությունների արագ զարգացման պատճառով։ Նա նշել է, որ այդ պատճառով մարդիկ հոգնել են շատ ավելի արագ, քան այն ժամանակ։

Ավելի վաղ Կիմը կանխատեսել էր, որ ռուս-ուկրաինական հակամարտությունը կավարտվի առաջիկա երկու ամսից մինչև մեկ տարվա ընթացքում՝ դիվանագիտական լուծման միջոցով։