Ազգերը, որոնք չեն գիտակցում նահատակվածների առաքելությունը, գոյատևելու շանս պարզապես չունեն․ Աբրահամյան

ԱԺ «Պատիվ ունեմ» խմբակցության պատգամավոր Տիգրան Աբրահամյանը ֆեյսբուքյան իր էջում «Եռաբլուր»-ից լուսանկարներ է հրապարակել ու կից գրել է․ 

«Հատկապես սեպտեմբեր, հոկտեմբեր, նոյեմբեր ամիսներին Եռաբլուրում մեծաթիվ հիշատակման արարողություններ են` եկեղեցական կարգով և հայկական ավանդույթների շրջանակներում:

Ովքեր չեն գիտակցում մեր նահատակների առաքելությունն ու նրանց` մեզ պարգևած կյանքն ու զոհողությունները, նրանք անարժեք, բարոյազուրկ և գաղափարապես տկար մարդիկ են:

Այն ազգերը, հասարակությունները, որոնք չեն գիտակցում նահատակված անձանց առաքելությունը, գոյատևելու շանս պարզապես չունեն»: