«Ոսկե սերմեր» կրթամրցանակ՝ նվիրված 44-օրյա պատերազմnւմ զnhված Էրիկ Գևորգյանի հիշատակին
Հասարակություն
«Հայ Ձմեռ պապ» բարեգործական հիմնադրամը և ԵՊՀ ֆիզիկայի ինստիտուտը հայտարարում են երախտագիտության և հարգանքի «ՈՍԿԻ ՍԵՐՄԵՐ» ծրագրի 6-րդ կրթամրցանակի մեկնարկը։ Այն նվիրված է Արցախյան 44-օրյա պատերազմի հերոս, ֆիզիկայի ֆակուլտետի շրջանավարտ Էրիկ Գևորգյանի հիշատակին։
«Ծրագիրը մեր հարգանքի տուրքն է Հայրենիքը հերոսաբար պաշտպանած և անմահացած երիտասարդներին։ Անվանակիր մրցանակներ սահմանելով՝ մենք նպատակադրվել ենք խրախուսել օժտված ուսանողներին և նրանց հնարավորություն տալ արժանանալու «ՈՍԿԻ ՍԵՐՄԵՐ»-ի կրթամրցանակակիր դառնալու բարձր պատվին»,- նշում են հիմնադրամից։
Մրցույթի մասին մանրամասները կարելի է իմանալ «Հայ Ձմեռ պապ» բարեգործական հիմնադրամի էջից։
Էրիկը պատերազմ էր մեկնել ԵՊՀ ֆիզիկայի ֆակուլտետում ուսումն ավարտելուց հետո և իր գիտելիքներն իրացրել որպես թնդանոթահրետանային մարտկոցի կառավարման դասակի հրամանատար։ Նա զոհվել է մարտական առաջադրանքը կատարելիս՝ հերոսաբար փրկելով իր ղեկավարած դասակի զինվորների կյանքը։
«ՄԵԶ ԹԱՂԵՑԻՆ, ԲԱՅՑ ՉԳԻՏԵԻՆ, ՈՐ ՄԵՆՔ ՍԵՐՄԵՐ ԵՆՔ»․ սա է ծրագրի նշանաբանը։ Ոսկի սերմերը ոսկի ծիլեր կտան։
ՈՒՂԻՂ ԵԹԵՐ
Ամենադիտված 
Դիրքում բռնшբшրnւթյшն դեպքը տեսած, ապա սպшնված 3 զինվորների ծնողներն արդարադատություն են պահանջում (տեսանյութ)
