Երկու եվրոպական երկիր դժգոհ է ուկրաինացի տղամարդ փախստականների հոսքից․ Politico

Գերմանիայի և Լեհաստանի քաղաքական գործիչները՝ ԵՄ-ում ամենամեծ թվով ուկրաինացի փախստականներ ընդունող երկրները, դժգոհություն են հայտնել Ուկրաինայից դուրս գալու կանոնակարգերի մեղմացումից հետո զանգվածաբար ժամանող ուկրաինացի երիտասարդ տղամարդկանց աճող հոսքի կապակցությամբ, հաղորդում է Politico-ն։

Գերմանիայի իշխող շրջանակները հայտարարել են, որ երկիրը կշարունակի ընդունել փախստականներին, սակայն Կիևի նկատմամբ հանրային աջակցությունը կարող է նվազել, եթե պարզվի, որ երիտասարդ ուկրաինացիները խուսափում են զինվորական ծառայությունից։ Գերմանիայի Բունդեսթագում Քրիստոնեադեմոկրատական ​​միության և Քրիստոնեասոցիալական միության (CDU/CSU) խմբակցության արտաքին քաղաքականության խոսնակ Յուրգեն Հարդտը հայտարարել է, որ Գերմանիան շահագրգռված չէ, որ զինվորական տարիքի քաղաքացիները ապրեն արտերկրում, մինչ նրանց հայրենիքը պատերազմի մեջ է։ Նա նաև կարծում է, որ Ուկրաինայի օրենսդրության փոփոխությունները հանգեցրել են արտագաղթի աճի և առաջարկել է վերաբացել սահմանափակումների քննարկումը։

Լեհաստանում հռետորաբանությունն ավելի կոշտ է դառնում. քաղաքական գործիչները հայտարարել են, որ Վարշավայի համար ավելի ու ավելի դժվար կլինի հանրությանը բացատրել նրանց օգնելու անհրաժեշտությունը, ովքեր այլապես կարող էին ծառայել Ուկրաինայում՝ օգտվելով լեհ հարկատուների հաշվին արտոնություններից։