Ֆրանսիայում զգուշացրել են թանգարաններում և եկեղեցիներում կողոպուտների սպառնալիքի աճի մասին

Ֆրանսիայի իշխանությունները զգուշացրել են երկրում թանգարանների և եկեղեցիների դեմ հանցագործությունների աճի սպառնալիքի մասին, հաղորդում է RTL ռադիոկայանը՝ հղում անելով Ֆրանսիայի տեղեկատվական, հետախուզական և ռազմավարական վերլուծության ծառայության կազմակերպված հանցավորության դեմ պայքարի ծառայության տվյալներին։

«Ֆրանսիական թանգարանները, եկեղեցիները և մասնավոր անձինք ավելի ու ավելի հաճախ են դառնում հանցագործության թիրախ», - նշվում է հոդվածում։

Հոդվածի հեղինակը նշում է, որ Լուվրում տեղի ունեցած միջադեպից հետո կողոպուտների սպառնալիքը տարածվում է ֆրանսիական բոլոր թանգարանների վրա։ Մասնագետները կարծում են, որ հատկապես արժեքավոր արվեստի գործերը, ինչպես նաև թանկարժեք նյութերից, մասնավորապես ոսկուց պատրաստված աշխատանքները, վտանգի տակ են։

Իրավապահ մարմինները նշում են, որ հանցագործները կարող են հավաքագրել նման կողոպուտների կատարողներին՝ օգտագործելով սոցիալական ցանցերը և կոդավորված հաղորդագրությունների հավելվածները։