«Դատապարտում եմ». Արայիկ Հարությունյանն Արշակ Սրբազանին կոչ արեց իրեն վերագրվող տեսանյութերի տարածման համար դիմել իրավապահներին
Քաղաքական
Վարչապետի աշխատակազմի ղեկավար Արայիկ Հարությունյանը դատապարտում է Մայր Աթոռ Սուրբ Էջմիածնի դիվանապետ Արշակ արքեպիսկոպոս Խաչատրյանին վերագրվող տեսանյութերի հրապարակումն ու տարածումը։
«Առհասարակ, դեռ ընդդիմադիր եղած ժամանակներից ես հրաժարվել եմ երբևէ այսպիսի մեթոդներով արված հրապարակումները մեկնաբանել, որովհետև, երբ որ դու սկսում ես այդպիսի երևույթները մեկնաբանել, դու պարարտ հող ես ստեղծում, որ դրանք հետագայում շարունակվեն»,- ԱԺ-ում այս մասին հայտարարեց նա։
Հարությունյանի խոսքով՝ համապատասխան մարմիններն ու ատյանները պետք է միջոցներ ձեռնարկեն հետագայում նման երևույթները կանխելու համար։
Վարչապետի աշխատակազմի ղեկավարը հերքեց, թե աշխատակազմի ներկայացուցիչը կապ ունի այդ տեսանյութերի տարածման հետ։
«Կարծում եմ՝ ԱԱԾ-ն համապատասխան քայլեր անում է ՝ պարզելու, թե ինչպես է դա տեղի ունեցել»,- նշեց նա՝ պնդելով, թե չի էլ բացել ու նայել այդ տեսանյութերը, միայն վերնագրերն է կարդացել։
Արայիկ Հարությունյանը Արշակ Սրբազանին կոչ արեց դիմել իրավապահներին։
ՈՒՂԻՂ ԵԹԵՐ
Ամենադիտված 
Պարոն վարչապետ, չհասկացա` Ձեր այսօրվա խոսքը ու՞մ էր ուղղված. Արամ Սարգսյան
