Մենք խոսքի համար մարդ չենք կալանավորում. Արայիկ Հարությունյան

Վարչապետի աշխատակազմի ղեկավար Արայիկ Հարությունյանը լրագրողների հետ զրույցում վստահություն հայտնեց, որ Հայաստանում «խոսքի համար» չեն կալանավորում։

«Մենք խոսքի համար չենք կալանավորում, և, առհասարակ, գործադիրը կալանավորելու որևէ գործառույթ չունի։ Իրավապահները կալանավորում են Քրեական օրենսգրքի համապատասան հոդվածներով նկարագրված իրավիճակներում»,–  ասաց նա՝ նշելով, որ դատական համակարգը պատասխանը կտա՝ արդյոք ընդդիմադիրների կալանավորումն օրինաչափ է, թե ոչ։