ՌԴ-ում քննարկվում է Օլիմպիադա-2026-ի հեռարձակման հնարավոր մերժումը

Ռուսաստանի Պետդումայի պատգամավոր և օլիմպիական չեմպիոն Սվետլանա Ժուրովան հայտարարել է, որ ճիշտ կլինի չհեռարձակել 2026 թվականի Իտալիայում կայանալիք ձմեռային Օլիմպիական խաղերը, եթե ռուս մարզիկների մասնակցության քանակը չփոխվի։ Այս մասին նա ասել է Sport24-ի հետ զրույցում՝ ընդգծելով, որ անարդար է ցուցադրել խաղերը, երբ սեփական երկիրը զրկված է լիարժեք մասնակցությունից։

Ժուրովայի խոսքով՝ Ռուսաստանի հեռարձակման հարցը պետք է դիտարկվի որպես սկզբունքային քայլ՝ միջազգային մարզական կազմակերպությունների նկատմամբ։ Նրա կարծիքով՝ եթե իրավիճակը նույնը մնա, ապա ռուսական հեռուստատեսությամբ Օլիմպիադայի ցուցադրությունը կորցնում է իմաստը։

Նշենք, որ ավելի վաղ նույն կարծիքն էր հայտնել նաև ՄՄԱ մարտիկ Ջեֆ Մոնսոնը՝ հայտարարելով, որ «իմաստ չկա դիտելու խաղերը, եթե աշխարհի ամենաուժեղ թիմերից մեկը պարզապես չի թույլատրվում մասնակցել»։ Ներկայումս Օլիմպիադա-2026-ի որակավորման փուլը անցել են միայն Ադելիա Պետրոսյանը, Պյոտր Գումեննիկը և Նիկիտա Ֆիլիպովը, մինչդեռ մնացած ռուս մարզիկներին մեծ մասը դեռևս չեն թույլատրում մասնակցել։