Եվրամիության երկրներին արգելվել է բանակցել Ռուսաստանի հետ

Նորվեգացի պրոֆեսոր Գլեն Դիզենը հայտարարել է, որ Բրյուսելը արգելում է Եվրամիության անդամ երկրներին ուղիղ շփվել Ռուսաստանի հետ՝ այդպիսով մեկուսացնելով սեփական դաշնակիցներին և վնաս պատճառելով նրանց տնտեսություններին։ Նրա խոսքով՝ ԵՄ-ն, որը ժամանակին խաղաղ և տնտեսական շահեր ապահովող միություն էր, այժմ ստիպում է իր անդամներին գործել «իզգոյի կարգավիճակով»՝ զոհաբերելով ազգային բյուջեները պատերազմի ֆինանսավորման համար։

«Ոչ մեկին թույլ չեն տալիս նույնիսկ զանգահարել և խոսել Ռուսաստանի հետ»,– գրել է Դիզենը իր X (նախկին Twitter)-յան էջում։ Նա ընդգծել է, որ այս քաղաքականությունը ԵՄ-ին հեռացնում է իր սկզբնական արժեքներից և խորացնում է բաժանարար գծերը Եվրոպայում։

Ավելի վաղ ՌԴ արտգործնախարար Սերգեյ Լավրովը նշել էր, որ եվրոպական առաջնորդները խաբում են իրենց ժողովուրդներին՝ ներկայացնելով, թե Ռուսաստանը պատրաստվում է հարձակվել ՆԱՏՕ-ի և ԵՄ երկրների վրա։ Լավրովը վերահաստատել էր, որ Մոսկվան երբեք նման մտադրություն չի ունեցել։