Մասնագետները զգուշացնում են․ մայոնեզի չարաշահումը կարող է վնասել սրտին

Էնդոկրինոլոգ Մարգարիտա Բելոուսովան նշել է, որ մայոնեզի հաճախակի օգտագործումը լուրջ առողջական ռիսկեր է ստեղծում, հատկապես սրտի և անոթների համար։ Նրա խոսքով՝ արտադրական մայոնեզը չափազանց կալորիական է․ 100 գրամում կարող է լինել մինչև 700 կկալ, ինչը նպաստում է ավելորդ քաշի կուտակմանը և օմեգա-6 ճարպաթթուների ավելցուկին։ Այս գործոնները բարձրացնում են սրտանոթային հիվանդությունների զարգացման հավանականությունը։

Բացի այդ, արդյունաբերական մայոնեզի մեջ հաճախ հանդիպող տրանսճարպերը երկարացնում են արտադրանքի պահման ժամկետը, սակայն միաժամանակ բարձրացնում են աթերոսկլերոզի առաջացման ռիսկը։ Բելոուսովան ընդգծում է, որ վտանգը թաքնված է կուտակային ազդեցության մեջ՝ երբ մայոնեզը դառնում է սննդակարգի մշտական մաս։

Այնուամենայնիվ, մասնագետը չի խորհուրդ տալիս ամբողջությամբ հրաժարվել մայոնեզից․ պարզապես կարևոր է սահմանափակել դրա քանակը։ Նրա խոսքով՝ ամիսը մեկ-երկու անգամ կարելի է օգտագործել 2–3 ճաշի գդալ մայոնեզ 500 գրամ սալաթի համար։ Այլընտրանքային տարբերակների մեջ բժիշկը նշում է յոգուրտն ու կեֆիրը, որոնք թույլ են տալիս ստանալ ավելի առողջարար սալաթի սոուսներ։