Մասնագետները զգուշացնում են․ Նոր տարվա ամենավնասակար համադրությունը՝ սալաթներ + ալկոհոլ

Նոր տարվա սեղանի շուրջ շատերը միաժամանակ համտեսում են տարբեր ճաշատեսակներ, սակայն դիետոլոգ Սոֆյա Կովանովան aif.ru-ին տված մեկնաբանությունում նշել է, որ ամենավնասակար համադրությունը օլիվյեի նման ծանր սալաթներն ու ալկոհոլն են։ Նրա խոսքով՝ այս միացությունը ծանրաբեռնում է մարսողական համակարգը և մեծացնում ուշագնացության ու բացասական ռեակցիաների հավանականությունը։

Կովանովան խորհուրդ է տվել ալկոհոլը համադրել ավելի թեթև սննդի հետ՝ օրինակ մրգերի կամ բանջարեղենային սալաթների, կամ էլ խմել առանձին՝ անպայման ջուր օգտագործելով 1:1 հարաբերակցությամբ։ Դիետոլոգը հիշեցրել է, որ երկար ժամանակ նման սնունդ չօգտագործած մարդկանց համար ցանկալի է ներառել ֆերմենտներ, ինչպես նաև սննդի ընդունումների միջև անել առնվազն երկու ժամ ընդմիջում՝ մարսողության որակը պահպանելու համար։

Նաև նշվել է, որ տոնական սեզոնին հոգեբանական ծանրաբեռնվածությունն աճում է․ մասնավորապես, հոգեբան Սանդրա Շևինսկին հայտնել է, որ դեկտեմբերին մեծանում է հոգեբույժներին դիմողների թիվը, ինչի պատճառներից մեկը համարվում է «գաղտնի Սանտա» խաղը և դրա շուրջ առաջացող լարվածությունը։