Ինձ համար ավանդույթ է դարձել օրհնված ջրով ավազան մտնելը․ Սեյրան Օհանյան (տեսանյութ)

ԱԺ «Հայաստան» խմբակցության ղեկավար Սեյրան Օհանյանը Սուրբ Ծննդյան տոնին մտել է սառցե ջրափոսը։ Համապատասխան տեսանյութով պատգամավորը կիսվել է Ֆեյսբուքի իր էջում և կից գրել․

 

«Մաքուր ջուր պիտի ցողեմ ձեզ վրա, 

 

և դուք պիտի մաքրվեք»։

 

Եզեկիել 36։25Հունվարի 6-ին՝ Սուրբ Ծնունդի տոնին, Հայ Առաքելական Եկեղեցում կատարվում է Ջրօրհնեքի կարգ։ Եկեղեցու օրինավոր սպասավորները կարդում են աղոթքներ, սաղմոսներ, Սուրբ Խաչը երեք անգամ իջեցվում է Ջրի մեջ, հնչում է Սուրբ Երրորդության անունը, և Ջուրը համարվում է օրհնված՝ Սուրբ Հոգու շնորհներով, որպես կյանքի, հոգևոր արթնության, մաքրության, բժշկության, պաշտպանության խորհրդանիշ։

 

Հավատավոր ժողովուրդը այն տանում է իր տուն, խմում աղոթքով և ավելացնում իր ավազանի մաքուր ջրերին ու մարմնով սուզվում նրա մեջ։...Ջուրը օրհնություն է։ Եվ ինձ համար ավանդույթ է դարձել օրհնված ջրով ավազան մտնելը»։