Փորձագետը խոսել է Իրանի քարտեզի վրա հնարավոր «ռադիոակտիվ սպիների» մասին

Ռուս փորձագետ Դմիտրի Կուզյակինը հայտարարել է, որ Իրանի դեմ միջուկային զենքի կիրառումը չի կանգնեցնի Թեհրանին։ Նրա գնահատմամբ՝ նույնիսկ նման ծայրահեղ քայլը չի կարող կանխել Իրանի կողմից անօդաչու սարքերի և հրթիռների արտադրությունն ու կիրառումը։

Կուզյակինը նշել է, որ ԱՄՆ-ն և Իսրայելը կարող են դիմել տակտիկական միջուկային զենքի, եթե չկարողանան հակազդել Իրանի էժան հրթիռներին և դրոններին, որոնք արտադրում են երկրի տարբեր հատվածներում։ Նրա խոսքով՝ նման հարվածները կարող են ստեղծել «ռադիոակտիվ սպիներ» Իրանի քարտեզի վրա։

Միաժամանակ փորձագետը ընդգծել է, որ նույնիսկ միջուկային հարվածները չեն կարող փոխել պատերազմի ընթացքը, քանի որ Իրանի ռազմական արտադրությունը բաշխված է և շարժական, ինչը դժվարացնում է դրա ամբողջական ոչնչացումը։