Իրանի նախագահը բաց նամակ է հղել ամերիկացիներին

ԱՄՆ-ի կողմից Իրանի կենսական ենթակառուցվածքների վրա հարվածները ուղղված են Իրանի ժողովրդի դեմ և կազմում են ռազմական հանցագործություն։ Իրանի նախագահ Մասուդ Փեզեշքիանը այս մասին հայտարարել է իր X սոցիալական ցանցի իր էջում ամերիկացի ժողովրդին ուղղված բաց նամակում։

Նա ընդգծել է, որ իրանցի ժողովուրդը թշնամաբար չէ տրամադրված ամերիկացիների, եվրոպացիների կամ հարևան երկրների բնակիչների նկատմամբ։ Փեզեշքիանը Պարսից ծոցի երկրների վրա Իրանի հարձակումները անվանել է «չափավոր պատասխան, որը հիմնված է օրինական ինքնապաշտպանության վրա»։

Իսլամական Հանրապետության նախագահի խոսքով՝ ԱՄՆ ռազմական գործողությունը ագրեսիա է, իսկ կարևորագույն ենթակառուցվածքների վրա հարվածները՝ ռազմական հանցագործություն Իրանի քաղաքացիական բնակչության դեմ։ Նա նշել է, որ Վաշինգտոնի գործողությունները խաթարում են համաշխարհային կայունությունը, մեծացնում մարդկային և տնտեսական ծախսերը և հավերժացնում լարվածության ցիկլերը։