Հայֆային իրանական հրթիռային հարվածի հետևանքով 4 մարդ անհետ կորած է համարվում
Իրան
Չորս մարդ անհետ կորած է համարվում և, ենթադրաբար, գտնվում է փլատակների տակ Հայֆայում իրանական բալիստիկ հրթիռի ընկնելու վայրում. այս մասին դեպքի վայրում լրագրողներին հայտնել է Իսրայելի ոստիկանության կոմիսար Դենի Լևին, հաղորդում է Times of Israel-ը:
«Օգտագործելով մեր տրամադրության տակ եղած բոլոր միջոցները՝ մենք կենտրոնացնում ենք բոլոր ջանքերը ընտանիքի չորս անդամների որոնման վրա, որոնք պետք է այստեղ լինեն»,- ասել է նա:
Լևին նաև հայտնել է, որ բնակելի շենքին հարվածած բալիստիկ հրթիռի մարտագլխիկը կարող էր պայթած չլինել հարվածի պահին, «ուստի մենք տարհանել ենք մի քանի շենք, որպեսզի քիչ հավանական պայթյունի դեպքում ոչ ոք չտուժի»:
«Մեր սակրավորները զբաղվում են այդ գործով»,- հավելել է նա:
Ավելի վաղ Իրանի ԻՀՊԿ-ն հայտնել էր Հայֆային հարվածելու մասին՝ ի պատասխան ԱՄՆ-ի և Իսրայելի ուժերի կողմից Թեհրանը Քարաջ քաղաքի հետ կապող կամրջի ռմբակոծության:
ՈՒՂԻՂ ԵԹԵՐ
Ամենադիտված 
Դերասանին մեղադրում են մանկապղծության մեջ․ նա ձերբակալվել է
