Իրանի գերագույն առաջնորդի առողջական վիճակը ծանր է․ The Times-ի սենսացիոն բացահայտումը
Իրան
Իրանի գերագույն առաջնորդ Մոջթաբա Խամենեին գտնվում է անգիտակից վիճակում և բուժում է ստանում։ Այս մասին հայտնում է The Times-ը՝ հղում անելով աղբյուրներին։ Հրապարակման համաձայն՝ տեղեկությունը հիմնված է դիվանագիտական գրության վրա, որը կազմվել է, ենթադրաբար, ամերիկյան և իսրայելական հետախուզական տվյալների հիման վրա և փոխանցվել Պարսից ծոցի դաշնակիցներին։
Ըստ նույն աղբյուրի՝ Խամենեին գտնվում է Քում քաղաքում՝ Թեհրանից մոտ 130 կմ հարավ, և ծանր վիճակի պատճառով չի կարող մասնակցել պետական որոշումների կայացման գործընթացին։ Նշվում է, որ այս տեղեկատվությունը առաջին անգամ է բացահայտում նրա գտնվելու վայրը, ինչը լրացուցիչ լարվածություն է ստեղծում տարածաշրջանում։
Ավելի վաղ ԱՄՆ պաշտպանության նախարար Փիթ Հեգսեթը հայտարարել էր, որ Խամենեին վիրավորվել է, իսկ CNN-ը հաղորդել էր, որ նա ստացել է ոտքի կոտրվածք, կապտուկ աչքի շրջանում և վնասվածքներ՝ ԱՄՆ-ի և Իսրայելի կողմից իրականացված հարվածների առաջին օրերին։ Սակայն պաշտոնական Թեհրանը այս տեղեկությունները չի հաստատել, ինչն ավելացնում է անորոշությունն ու շահարկումների ալիքը միջազգային քաղաքական դաշտում։
ՈՒՂԻՂ ԵԹԵՐ
Ամենադիտված 
«Ակնկալում ենք հրապարակային պարզաբանում և ներողություն». Բելգիայի հայ համայնքը վիրավորվել ու հիասթափվել է Վաչե Թովմասյանից
