Կեղծ պայթյուններ, կեղծ հրթիռներ․ Իրանի պատերազմի շուրջ AI-ֆեյքերը ողողել են սոցցանցերը․ CNN Politics

Իրանի շուրջ հակամարտության ֆոնին սոցիալական ցանցերում լայնորեն տարածվում են արհեստական բանականությամբ ստեղծված կեղծ տեսանյութեր և լուսանկարներ։ Փորձագետների գնահատմամբ՝ այսօր նման նյութերը ոչ միայն շատացել են, այլև դարձել են առավել իրատեսական՝ դժվար տարբերակելի իրական կադրերից։

Մասնագետները նշում են, որ գեներատիվ AI-ի հասանելիության աճը թույլ է տալիս ստեղծել բարձրորակ ֆեյքեր՝ ցուցադրելով, օրինակ, իբր հրթիռային հարվածներ, գերի ընկած զինվորներ կամ ավերված օբյեկտներ։ Այս տեսանյութերը միլիոնավոր դիտումներ են հավաքում, իսկ օգտատերերը հաճախ չեն կարողանում արագ հասկանալ, որ դրանք կեղծ են։ Ըստ փորձագետների՝ նման բովանդակությունը ակտիվորեն օգտագործվում է նաև քարոզչական նպատակներով։

Միևնույն ժամանակ, նույնիսկ փաստերի ստուգման փորձերը հաճախ չեն հասցնում կասեցնել կեղծ նյութերի տարածումը։ Փորձագետները խորհուրդ են տալիս տեղեկատվություն ստանալ միայն վստահելի լրատվամիջոցներից և զգուշությամբ վերաբերվել սոցցանցերում տարածվող սենսացիոն կադրերին, քանի որ դրանք կարող են լինել արհեստականորեն ստեղծված և մանիպուլյատիվ։