Պատերազմը հարվածել է ևս մեկ երկրի էներգետիկային․ Իրաքում գազի արդյունահանումը կտրուկ նվազել է

Իրանում շարունակվող պատերազմի ֆոնին Իրաքում գազի արդյունահանումը կտրուկ նվազել է՝ մոտ 50 տոկոսով։ Այս մասին հայտնում է Al Araby-ը՝ հղում անելով երկրի էներգետիկայի նախարարությանը։

Տվյալների համաձայն՝ 2026 թվականի ապրիլի սկզբի դրությամբ Իրաքում միջին օրական գազի արդյունահանումը կազմել է մոտ 11,3 հազար խորանարդ մետր, մինչդեռ մինչև Իրանում ռազմական գործողությունների սրումը այդ ցուցանիշը կրկնակի բարձր էր։ Նվազման հիմնական պատճառը համարվում են անվտանգության ռիսկերը և հրթիռային հարվածների սպառնալիքը։

Միևնույն ժամանակ, տարածաշրջանում էներգետիկ ճգնաժամը խորանում է․ ավելի վաղ Քաթարը հայտարարել էր արտակարգ դրություն և ժամանակավորապես դադարեցրել գազի արդյունահանումը, ինչը արդեն հանգեցրել է Եվրոպայում գների կտրուկ աճի։ Մասնագետները զգուշացնում են, որ Մերձավոր Արևելքում պատերազմի երկարաձգման դեպքում գազի համաշխարհային գները կարող են շարունակել բարձրանալ։