Իրանն ավարտել է հրադադարի շուրջ բանակցությունները ԱՄՆ-ի հետ

Իրանը դադարեցրել է ԱՄՆ-ի հետ հնարավոր հրադադարի շուրջ բանակցությունները։ Այս մասին հայտնում է The New York Times-ը՝ հղում անելով իրանական բարձրաստիճան աղբյուրներին։

Ըստ հրապարակման՝ Թեհրանը Պակիստանին փոխանցել է, որ այլևս չի մասնակցելու բանակցություններին՝ փաստացի փակելով դիվանագիտական գործընթացը այս փուլում։

Այս զարգացումը տեղի է ունենում Մերձավոր Արևելքում լարվածության աճի ֆոնին և կարող է ազդել տարածաշրջանային իրավիճակի հետագա սրման վրա։