Իրանը դուրս կգա խաղաղության համաձայնագրից, եթե Իսրայելը շարունակի հարձակումները Լիբանանի վրա. Tasnim

Իրանը հնարավոր է դուրս գա խաղաղության համաձայնագրից, եթե Իսրայելը շարունակի խախտել հրադադարը և հարձակվել Լիբանանի վրա։ Այս մասին հայտնել է Tasnim լրատվական գործակալությունը՝ հղում անելով աղբյուրներին։ Գործակալության տվյալներով՝ Լիբանանում «Հըզբոլլահ»-ի դեմ ռազմական գործողությունների դադարեցումը համաձայնագրի դրույթներից մեկն էր, և, հետևաբար, Թեհրանը իրավունք ունի դուրս գալ դրանից։

Ավելի վաղ Fars գործակալությունը հայտնել էր, որ Իրանը քննարկում է Իսրայելի դեմ պատասխան գործողությունը՝ ի պատասխան հրադադարից հետո Լիբանանին ուղղված հարվածների։