Իրանական F-5-ը հարվածել է ամերիկյան բազային Քուվեյթում․ նոր տվյալներ

Իրանական Northrop F-5 կործանիչը կարողացել է հարված հասցնել ԱՄՆ-ի Camp Buehring ռազմաբազային՝ Քուվեյթում, հաղորդում է Military Watch Magazine-ը։

Ըստ աղբյուրի՝ հարվածը տեղի է ունեցել ամերիկյան «Epic Rage» գործողության սկզբում, և ինքնաթիռը հաջողությամբ վերադարձել է Իրան։ Նշվում է, որ, չնայած իր հնացած հնարավորություններին, F-5-ը կարողացել է հաղթահարել ԱՄՆ բազմաշերտ հակաօդային պաշտպանությունը՝ հավանաբար ցածր բարձրությամբ թռիչքի շնորհիվ։

Հարվածի հետևանքով պատճառված վնասի չափը դեռևս չի հրապարակվում, սակայն, ըստ տվյալների, միջադեպը ստիպել է ԱՄՆ-ին ուժեղացնել բազայի պաշտպանությունը։ Ավելի վաղ NBC News-ը հայտնել էր, որ Մերձավոր Արևելքում գտնվող ամերիկյան բազաները կարող են ավելի լուրջ վնասներ կրել, քան պաշտոնապես ներկայացվում է։