Իրանը պահպանել է իր հրթիռների մեծ մասը․ NYT

Չնայած Թրամփի վարչակազմի կողմից Իրանի ռազմական կարողությունները քանդելու մասին պնդումներին՝ Թեհրանը պահպանել է իր հրթիռային զինանոցի մոտ 70%-ը, հաղորդում է NYT-ը՝ հղում անելով ԱՄՆ հետախուզական տվյալներին։

Ըստ թերթի՝ Իրանը նաև արագորեն վերականգնել է Հորմուզի նեղուցի երկայնքով գտնվող իր 33 հրթիռային կայաններից 30-ի հասանելիությունը, ինչը պոտենցիալ սպառնալիք է ԱՄՆ ռազմածովային ուժերի նավերի համար։

Ավելին, հաղորդվել է, որ Իսլամական Հանրապետությունը վերականգնել է հասանելիությունը երկրի ողջ տարածքում գտնվող իր ստորգետնյա պահեստների և հրթիռային կայանների գրեթե 90%-ին, որոնք այժմ համարվում են մասամբ կամ լիովին գործող։