Իրանը նոր զենք է ստեղծել և պատրաստ է այն փորձարկել ԱՄՆ-ի վրա․ ԶԼՄ

Իրանը տիրապետում է ժամանակակից զենքի, որը դեռևս չի օգտագործվել Միացյալ Նահանգների հետ դիմակայության ժամանակ։ Այս մասին ՌԻԱ Նովոստիին հայտնել է Իսլամական Հանրապետության ռազմական աղբյուրը։

Նրա խոսքով՝ դրանք արտադրվել են տեղական մակարդակով, դեռևս չեն օգտագործվել մարտադաշտում և «չեն փորձարկվել»։

«Սարքավորումների կամ պաշտպանական կարողությունների առումով մենք որևէ պակաս չենք զգում, որը կխանգարի մեզ պաշտպանել մեր երկիրը։ Այս անգամ մենք մտադիր չենք գործել զսպվածությամբ», - նշել է աղբյուրը։