Վենսը ԱՄՆ–Իրան բանակցությունները գնահատել է որպես «շատ լավ օր»
Համաշխարհային Մամուլ
ԱՄՆ փոխնախագահ Ջեյ Դի Վենսը հայտարարել է, որ կիրակի օրը կայացած ԱՄՆ–Իրան բանակցությունները եղել են արդյունավետ և դրանք գնահատել է որպես «շատ լավ օր»։ Նրա խոսքերը փոխանցել է CNN-ը։
Վենսի խոսքով՝ բանակցությունների հիմնական նպատակներից մեկը եղել է ապահովել Հորմուզի նեղուցի բաց և անվտանգ աշխատանքը։ Նա նշել է, որ այս պահին այդ նպատակը հաջողվել է պահպանել։
Բացի այդ, կողմերը քննարկել են տարածաշրջանային հրադադարի պահպանման մեխանիզմների ստեղծումը՝ նոր լարվածությունը կանխելու համար, այդ թվում՝ Լիբանանի ուղղությամբ։ Վենսը նաև հայտնել է, որ Իրանը համաձայնել է ընդունել Միջազգային ատոմային էներգիայի գործակալությունի տեսուչներին, ինչը, ըստ նրա, ԱՄՆ-ում դիտարկվում է որպես կարևոր առաջընթաց։
Ամփոփելով՝ ԱՄՆ փոխնախագահը նշել է, որ վերջնական համաձայնությունը դեռ ձեռք չի բերվել, սակայն բանակցությունների արդյունքում ստեղծվել է հիմք հետագա պայմանավորվածությունների համար։
ՈՒՂԻՂ ԵԹԵՐ
Ամենադիտված 
Այնթափի դպրոցը սգում է աշակերտուհու մահը
