Թրամփը մեկնաբանել է ԱՄՆ հավաքականի ֆուտբոլիստի որակազրկման չեղարկման շուրջ իր հնարավոր ազդեցությունը

ԱՄՆ նախագահ Դոնալդ Թրամփը հայտարարել է, որ չի միջամտել ամերիկացի ֆուտբոլիստ Ֆոլարին Բալոգունի կարմիր քարտի չեղարկման որոշմանը։ Նրա խոսքերը փոխանցում է Reuters գործակալությունը։

Թրամփի խոսքով՝ ինքը միայն խնդրել է վերանայել դրվագը, քանի որ չի համարել, թե խաղացողը խախտում է թույլ տվել։ Միաժամանակ նա ընդգծել է, որ չի փորձել թելադրել ՖԻՖԱ-ի նախագահ Ջանի Ինֆանտինոյին, թե ինչ որոշում պետք է կայացվի։

Ավելի վաղ հաղորդվել էր, որ Բալոգունի որակազրկման վերանայման նախաձեռնողը եղել է Սպիտակ տան՝ Աշխարհի առաջնության նախապատրաստման աշխատանքային խմբի ղեկավար Էնդրյու Ջուլիանին։ ԱՄՆ-ի և Բոսնիա և Հերցեգովինայի միջև կայացած հանդիպումից հետո նա, ԱՄՆ առևտրի նախարար Հովարդ Լաթնիկը և ԱՄՆ ֆուտբոլի ֆեդերացիայի ներկայացուցիչները փորձել էին հասնել կարմիր քարտի չեղարկմանը։ Բալոգունը կարմիր քարտ էր ստացել 1/16 եզրափակչի խաղում, սակայն հետագայում նրա որակազրկումը փոխարինվել էր մեկ տարվա պայմանական պատժամիջոցով։ Բելգիայի ֆուտբոլի թագավորական ասոցիացիան կարող է բողոքարկել այդ որոշումը։