Ես պատրաստ եմ վճարել պարզապես տեսնելու համար, թե ինչպես է խաղում Նեյմարը․ Թիերի Անրի

Ֆրանսիայի հավաքականի լեգենդար նախկին հարձակվող Թիերի Անրին իր զորակցությունն է հայտնել Նեյմարին. բրազիլացի հարձակվողը կրկին արտասվում էր այն բանից հետո, երբ Բրազիլիայի ազգային հավաքականը 2026 թվականի աշխարհի առաջնությունում պայքարն ավարտեց արդեն 1/8 եզրափակիչում։

«Ես պատրաստ եմ վճարել պարզապես տեսնելու համար, թե ինչպես է խաղում Նեյմարը: Նա բոլորին ստիպեց սիրել ֆուտբոլը: Յուրաքանչյուր երեխա ցանկանում էր դառնալ Նեյմար: Ես չեմ ուզում խոսել աշխարհի առաջնության կամ այն մասին, թե ինչպես ավարտվեց նրա կարիերան ազգային հավաքականում։ Ես ուզում եմ խոսել այն մասին, թե ինչ է նա տվել ֆուտբոլին: Նեյմարը եղել է և միշտ կլինի բացառիկ ֆուտբոլիստ: Շնորհակալություն այն ամենի համար, ինչ դու տվել ես մեզ»,- Անրիի խոսքերը մեջբերում է The Touchline-ը:

Հիշեցնենք, որ 1/8 եզրափակիչում Բրազիլիայի հավաքականը 1-2 հաշվով պարտություն է կրել Նորվեգիայի ազգային թիմից և լքել մրցաշարը: