CNN․ Թրամփը ՆԱՏՕ-ի գագաթնաժողովից առաջ վատ տրամադրություն ունի
ԱՄՆ
ԱՄՆ նախագահ Դոնալդ Թրամփը ՆԱՏՕ-ի՝ հուլիսի 7-8-ը Անկարայում կայանալիք գագաթնաժողովից առաջ գտնվում է լարված և դժգոհ տրամադրության մեջ։ Այդ մասին հայտնում է CNN-ը՝ հղում անելով իր աղբյուրներին։
Հեռուստաալիքի տվյալներով՝ անցած շաբաթ ԱՄՆ պաշտոնյաներից շատերը մտահոգություն էին հայտնել, թե արդյոք գագաթնաժողովը կանցնի առանց լուրջ խնդիրների՝ հաշվի առնելով նախագահի տրամադրությունը։ Աղբյուրների խոսքով՝ փակ հանդիպումների ընթացքում Թրամփը դժգոհել է, որ ՆԱՏՕ-ի դաշնակիցները բավարար աջակցություն չեն ցուցաբերում, և այդ դիրքորոշումն արտացոլվել է նաև նրա հրապարակային հայտարարություններում։
CNN-ի փոխանցմամբ՝ եվրոպացի առաջնորդները հույս ունեն, որ Անկարայի գագաթնաժողովը կանցնի առանց լուրջ տարաձայնությունների և պատրաստվում են պաշտպանության ոլորտում նոր պարտավորություններ ստանձնել՝ փորձելով մեղմել Վաշինգտոնի դժգոհությունը։ Նշվում է նաև, որ ՆԱՏՕ-ի գլխավոր քարտուղար Մարկ Ռյուտեն դեռ հունիսին Սպիտակ տուն կատարած այցի ընթացքում փորձել էր հարթել կողմերի միջև առկա տարաձայնությունները։
Ավելի վաղ եվրոպական երկրներում մտահոգություն էին հայտնել, որ Թրամփի դժգոհությունը դաշնակիցներից կարող է անդրադառնալ Եվրոպայում ԱՄՆ ռազմական ներկայության ապագայի վրա։
ՈՒՂԻՂ ԵԹԵՐ
Ամենադիտված 
Ո՞րն է սիրված արտիստ Արտաշես Ալեքսանյանի մահվան պատճառը. հայտնի են մանրամասներ
