Բելգիայի հավաքականը ծաղրել է Բալոգունի կարմիր քարտի չեղարկումը

Բելգիայի ֆուտբոլի ազգային հավաքականը սարկազմով է արձագանքել ՖԻՖԱ-ի որոշմանը՝ ԱՄՆ հավաքականի հարձակվող Ֆոլարին Բալոգունի կարմիր քարտը չեղարկելու վերաբերյալ։ Այդ մասին հաղորդվում է Բելգիայի հավաքականի X սոցիալական ցանցի պաշտոնական էջում։

Բելգիացիները հրապարակել են հարձակվող Ռոմելու Լուկակուի լուսանկարը, որտեղ նա տոնում է ԱՄՆ-ի դարպասը խփած չորրորդ գոլը՝ կից գրելով. «Չեղարկե՛ք սա»։

Բալոգունի որակազրկման չեղարկման մասին հայտնի էր դարձել հուլիսի 5-ին, ինչն առաջացրել էր դժգոհություն ինչպես Բելգիայի հավաքականի, այնպես էլ ՈՒԵՖԱ-ի ներկայացուցիչների շրջանում։

2026 թվականի աշխարհի առաջնության 1/8 եզրափակչի խաղում Բալոգունը մեկնարկային կազմում էր և փոխարինվել էր միայն ավելացված ժամանակում՝ 92-րդ րոպեին։ Հանդիպումն ավարտվել էր Բելգիայի հավաքականի 4:1 հաշվով հաղթանակով։