Էրդողանը ժպտացել է՝ տեսնելով Մակրոնին արևային ակնոցով ՆԱՏՕ-ի գագաթնաժողովում

Ֆրանսիայի նախագահ Էմանուել Մակրոնը ՆԱՏՕ-ի գագաթնաժողովի շրջանակում անցկացված առաջնորդների համատեղ լուսանկարման արարողությանը ներկայացել է արևային ակնոցով, ինչը, ՌԻԱ Նովոստիի թղթակցի փոխանցմամբ, ժպիտ է առաջացրել Թուրքիայի նախագահ Ռեջեփ Թայիփ Էրդողանի մոտ։

Անկարայում անցկացվող գագաթնաժողովից առաջ Էրդողանն ու ՆԱՏՕ-ի գլխավոր քարտուղար Մարկ Ռյուտեն հերթով ողջունել են մասնակիցներին։ Հաղորդվում է, որ Մակրոնը միակ առաջնորդն էր, ով արարողությանը ներկայացել էր մուգ արևային ակնոցով, և Էրդողանը ձեռքսեղմման պահին չի թաքցրել իր ժպիտը։

Նշվում է, որ նման իրավիճակներ նախկինում ևս եղել են։ Այս տարվա սկզբին համացանցում քննարկվում էր Մակրոնի՝ Դավոսի համաշխարհային տնտեսական ֆորումում արևային ակնոցով ներկայանալը։ Բացի այդ, ավելի վաղ հրապարակումներում նշվում էր, որ Էրդողանի կինը՝ Էմինե Էրդողանը, ողջույնի ժամանակ թույլ չէր տվել Ֆրանսիայի նախագահին համբուրել իր ձեռքը։

Վերջին ամիսներին միջազգային մամուլում լայն արձագանք էին ստացել նաև Մակրոնի մասնակցությամբ մի շարք այլ հրապարակային դրվագներ, այդ թվում՝ Վիետնամ այցի ընթացքում կնոջ՝ Բրիժիտ Մակրոնի հետ կապված տեսանյութը և ավելի ուշ նրա հրապարակային ելույթը՝ աչքի շրջանում կապտուկով։