Ամերիկացիներն Իրանին չեն վստահում

Ամերիկացիների ճնշող մեծամասնությունն Իրանի միջուկային ծրագիրը որպես «լուրջ վտանգ» է ընկալում: Այս մասին են վկայում Գելափի ինստիտուտի անցկացրած հարցման արդյունքները: Այդ տվյլաների համաձայն՝ ամերիկացիների 99%-ը կարծում է, որ Իրանի միջուկային ծրագիրը «կարող է վտանգ ներկայացնել ԱՄՆ-ի շահերի համար ապագա 10 տարվա ընթացքում»:

Հյուսիսային Կորեայի՝ ատոմային զենքի ստեղծման ծրագիրը ևս անհանգստություն է առաջացնում ԱՄՆ-ի բնակիչների շրջանում, որոնց 83%-ն այն որպես «լուրջ վտանգ» է որակում: Բացի այդ, հարցվածների 81%-ը «միջազգային ահաբեկչության» մեջ «լուրջ և իրական» վտանգ է տեսնում:

Հարցվածների կարծիքով՝ վտանգ պարունակող գործոնների թվին է պատկանում նաև իսլամական ֆունդամենտալիզմը, ինչպես նաև Չինաստանի ռազմական և տնտեսական հզորացումը: Մինչդեռ իսրայելա-պաղեստինյան հակամարտությունը, ըստ հարցվածների, այլևս վտանգ չի ներկայացնում: Հարցված ամերիկացիների 44%-ն է անվանել այն «լուրջ վտանգ» ԱՄՆ-ի շահերի համար, իսկ 2004-ին այս ցուցանիշը կազմում էր 58%: