Իրանը մեղադրում է թուրքական սերիալներին ամուսնալուծությունների քանակի աճի համար
Իրան
Իրանը մեղադրում է թուրքական հեռուստատեսային սերիալներին իր երկրում ամուսնալուծությունների վրա դրված տաբուն խախտելու և «ընտանիքի ինստիտուտի ապակայունացման» համար. գրում է MIGnews-ը:
Իրանն ամուսնալուծությունների քանակով աշխարհում 4-րդ տեղում է: Միայն անցյալ տարի ամուսնալուծությունների գրանցված քանակն աճել է 6%-ով:
Թուրքական օճառային օպերաները շատ հանրահայտ են իսլամական աշխարհում: Նրանում շոշափվում են այնպիսի նուրբ հարցեր, ինչպիսիք են ամուսնական դավաճանությունը, սիրային եռանկյունին, դեռահաս տարիքի սեքսը և այլն:
Քանի որ իսլամական շարիաթի օրենքներով Իրանում մուսուլման կինը չի կարող ինքը ամուսնալուծվել ամուսնուց, ապա նա ստիպված է լինում դատարանում ապացուցել, որ ամուսինն անկողնում չի կատարում ամուսնական պարտականությունները: Ամուսնալուծության լուրջ հիմք կարող է հանդիսանալ ամուսնու խելագարությունը, նրա կողմից կնոջը ծաղրելը կամ սեռական անկարողունակությունը:
ՈՒՂԻՂ ԵԹԵՐ
Ամենադիտված 
Այնթափի դպրոցը սգում է աշակերտուհու մահը
