Ստորգետնյա հետցնցումները չեն դադարում Իրանում. նոր երկրաշարժ՝ 5.2 մագնիտուդ ուժգնությամբ

5.2 մագնիտուդ ուժգնությամբ նոր հետցնցում է գրանցվել Իրանի Բուշեր նահանգում, որ գտնվում է երկրի առաջին և միակ ԱԷԿ-ը. տեղեկացնում է ամերիկյան երկրաբանական ծառայության պաշտոնական կայքը:

Ցնցումը գրանցվել է Երևանի ժամանակով 12.00-ի սահմաններում Բուշեր քաղաքից 107 կմ հեռավորության վրա: Ստորգետնյա ցնցման օջախը գտնվում է 9.9 կմ խորության վրա: Ավելի վաղ իրանական IRNA գործակալությունը տեղեկացնում էր, որ չորեքշաբթի գիշերը նահանգում ավելի քան 87 հետցնցում է գրանցվել, որոնցից ամենաուժեղ ցնցման ուժգնությունը կազմել է 5.6 մագնիտուդ:

Հիշեցնենք, որ նախօրեին Բուշերում տեղի ունեցած 6.2 մագնիտուդ ուժգնությամբ երկրաշարժից զոհվել է 37 մարդ, վիրավորվել՝ շուրջ 850-ը: