ԱՄՆ-ի և Կանադայի միջև կամրջի վրա տեղի ունեցած պայթյունի հետևանքով` 2 մարդ է զոհվել

ԱՄՆ-ն և Կանադան Նիագարայի ջրվեժի վրայով միացնող Rainbow Bridge-ի ամերիկյան կողմում տեղի ունեցած պայթյունի հետևանքով՝ զոհվել է երկու մարդ: Այս մասին գրում է Associated Press-ը։

Հաղորդվում է, որ սահմանային անցակետում ավտոմեքենա է պայթել։ Դրա պատճառով՝ չորս սահմանային անցումներ են փակվել, իսկ Բուֆալո Նիագարայի միջազգային օդանավակայանում սկսել են ստուգել բոլոր մեքենաները և զգուշացրել են ուղևորներին լրացուցիչ ստուգումների մասին։

Հետաքննությունների դաշնային բյուրոյի աշխատակիցներն աշխատում են Rainbow Bridge-ի վրա ականապատ մեքենայի պայթյունի վայրում, հայտնում է Fox News-ը։ Միևնույն ժամանակ, հեռուստաալիքի աղբյուրների համաձայն, չի բացառվում, որ դա կարող է լինել ահաբեկչական հարձակման փորձ։

Ենթադրվում է, որ ԱՄՆ-ից Կանադա ուղեւորվող մեքենայում պայթուցիկ նյութեր են եղել։ Մեքենան կամրջի վրա մեծ արագություն է զարգացրել, ապա, ըստ ամենայնի, վարորդը կորցրել է կառավարումը։ Արդյունքում՝ մեքենան պայթել է սահմանային անցակետի մոտ։ Քննիչները դեռ չեն պարզել, թե կոնկրետ ինչն է պայթյունի պատճառ դարձել։

Մեքենայում գտնվող երկու հոգի մահացել են։ 

Դեպքի մասին տեղեկացվել են ԱՄՆ նախագահ Ջո Բայդենը և Կանադայի վարչապետ Ջասթին Թրյուդոն։ Թրյուդոն ասել է, որ անվտանգության լրացուցիչ միջոցներ կներդրվեն Կանադայի բոլոր սահմանային անցակետերում:

Ինչպես հայտնի է, Rainbow Bridge-ը միացնում է ամերիկյան Նյու Յորք և Կանադայի Օնտարիո նահանգները։

Այս թեմայով Գոհ եմ Հայաստանի և Ադրբեջանի միջև «խաղաղության գործընթացի» առաջմղումից․ Էրդողան Ռայիսիի ուղղաթիռի կործանման հետևանքով զոհվածների մարմինները տեղափոխվել են Թավրիզ Տավուշեցի ՔՊ-ականը չգիտի, թե արդյոք Կիրանցը բաժանվում է երկու մասի սահմանազատման հետևանքով (տեսանյութ) Ոնց հասկանում եմ՝ Նոր Հաճնում ջրագողություն ա տեղի ունենում ինդուստիալ չափերի. Ավինյան (տեսանյութ) Իրանում սկսվել է նախագահական ուղղաթիռի կործանման հետևանքով զոհվածների դիերի նույնականացման գործընթացը Իրանի նախագահին տեղափոխող ուղղաթիռի ուղևորները զոհվել են. Reuters Երևանի Արցախի պողոտայից «Էրեբունի» ԲԿ տանող ճանապարհին տեղի է ունեցել ՃՏՊ. կան տուժածներ Հետ ենք գնում, ագրեսիա հո չենք կիրառելու, մենք մշակույթի մարդ ենք. Արսեն Գրիգորյան (տեսանյութ) Շառլ Ազնավուրի ծննդյան 100-ամյակին նվիրված տոնական համերգ տեղի կունենա Երևանում Հեղեղումներ Բրազիլիայում. ավելի քան 150 մարդ է մահացել