Ուղղաթիռ է պայթել Դոնեցկի մարզի Կրամատորսկի օդանավակայանում (տեսանյութ)
Աշխարհ
Մի-8 ուղղաթիռ է պայթել Ուկրաինայի Դոնեցկի մարզի Կրամատորսկի օդանավակայանում, տեղեկացնում է «Կրամատորսկ: Ինֆո» կայքը: Ժամը մոտավորապես 11:00-ին մի քանի ուժգին պայթյուն է որոտացել Կրամատորսկի քաղաքացիական օդանավակայանի շրջանում, ինչից հետո հրդեհ ու ծխոտում է սկսվել: Ը
Ուկրաինայի արևելյան Կրամատորսկ քաղաքի օդանավակայանի տարածքը պատված է ծխով, որոնք պայթյունների հետևանք են: Ըստ որոշ տվյալների՝ բռնկել են ուղղաթիռն ու զինամթերքը, նշվում է հաղորդագրության մեջ:
Ռազմաքաղաքական հետազոտությունների կենտրոնի ղեկավար, «Տեղեկատվական դիմադրություն» խմբի համակարգող Դմիտրի Տիմչուկը Կիևում կայացած ճեպազրույցի ժամանակ ասել է. «Տեղեկատվություն է ստացվել այն մասին, որ Կրամատորսկի օդանավակայանում Մի-8 ուղղաթիռ է պայթել: Ըստ նախնական վարկածի` ուղղաթիռը գնդակոծվել է թռիչքից առաջ»:
Նրա խոսքով՝ օդանավի հրամանատարը հասցրել է ուղղաթիռից դուրս նետվել պայթյունից առաջ:Անցյալ շաբաթ ուկրաինացի զինվորականները հսկողության տակ են վերցրել Կրամատորսկի օդանավակայանը:
ՈՒՂԻՂ ԵԹԵՐ
Ամենադիտված 
Ջուր հավաքեք. բազմաթիվ հասցեներում երկար ժամանակ ջուր չի լինելու
