Վեց մարդ է զոհվել ԱՄՆ-ի Արկանզասի նահանգում տեղի ունեցած տոռնադոյի հետևանքով
Աշխարհ
ԱՄՆ-ի Արկանզասի նահանգի Ֆոլքների շրջանի իշխանությունները հաղորդել են տարածաշրջանում մոլեգնած տոռնադոյի հետևանքով վեց զոհվածների մասին, տեղեկացնում է KTHV հեռուստաալիքը:
Տարերքից առավել տուժել են Վիլոնյա և Մեյֆլաուեր քաղաքները: Հեռուստաալիքի տվյալներով՝ տարերքից վնասվել են մեծ թվով շենքեր, շուրջ տասը հազար մարդ մնացել է առանց լույսի: Տարերքի պատճառած վնասի չափը ճշտվում է:
Ավելի վաղ հաղորդվել է, որ տոռնադոյի պատճառով երկու մարդ է զոհվել Օկլահոմայի նահանգում:
Associated Press գործակալության տվյալներով՝ տոռնադոյի առաջացման վտանգը պահպանվում է Նյու Մեքսիկոյի նահանգից մինչեւ Թենեսիի նահանգ ընկած տարածքում: ԱՄՆ-ի ինը նահանգների իշխանությունները խնդրում են բնակիչներից՝ զգուշություն պահպանել, հաղորդել է ՌԻԱ Նովոստին:
ՈՒՂԻՂ ԵԹԵՐ
Ամենադիտված 
Ծեծկռտուք Մոսկվայի ռեստորաններից մեկում՝ հայտնի գործարարի և «Դոն Պիպոյի» միջև․ վերջինս թիկնապահի հետ փախուստի է դիմել (տեսանյութ)
