ՌԴ-ն հետ է կանչել Ուկրաինայի հետ սահմանին զորավարժություններ անցկացնող զորքին. Շոյգու

Ռուսաստանի պաշտպանության նախարար Սերգեյ Շոյգուն հեռախոսազրույց է ունեցել ԱՄՆ պաշտպանության նախարար Չակ Հեյգելի հետ հեռախոսազրույցում: Այս մասին հայտնում է RT-ն:

Հեռախոսազրույցի ընթացքում Պաշտպանության նախարարները քննարկել են Ուկրաինայում տիրող ճգնաժամային իրավիճակը:

«Կիևի իշխանությունները հայտարարել են, որ ուկրաինական բանակը չեն օգտագործի անզեն բնակիչների դեմ, ռուսական զորքերը վերադարձել են իրենց տեղակայման վայրերը»,-հայտնել է Ռուսաստանի պաշտպանության նախարարը:

Պենտագոնի մամուլի ծառայությունն իր հերթին նշում է, որ Հեյգելը վերստին կոչ է արել Ռուսաստանին «դադարեցնել ապակայունացնող ազդեցությունն Ուկրաինայի ներսում և նախազգուշացրել է, որ շարունակվող ագրեսիան էլ ավելի կմեկուսացնի Ռուսաստանին և կբերի դիվանագիտական ու տնտեսական ճնշման ուժեղացման:

Բացի այդ, Հեյգելը խնդրել է Ռուսաստանին օգնել ԵԱՀԿ-ի զինվորական յոթ դիտորդներին ազատելու հարցում, որոնց Ուկրաինայի արևելքում պատանդ են պահում ռուսամետ աշխարհազորայինները:

Ըստ Շոյգուի՝ ռուսական զինավարժություններից առաջ ահաբեկչության դեմ պայքարի պատճառաբանությամբ Կիևի իշխանությունները Ուկրաինայի հարավ-արևելքում կենտրոնացրել էին մոտ 80 տանկ, ավելի քան 130 ռազմական մեքենա և այլն։ Այս ընթքացքում ներգրավվել էր նաև ռազմական ուղղաթիռներ։

 «Եվ այս ամենը սեփական երկրի խաղաղ բնակչության դեմ: Խաղաղ բնակչության դեմ ուժի կիրառումը ռուսական կողմին ստիպվեց ծավալել լայնամասշտաբ զորավարժություններ` Ուկրաինայի հետ սահմանի տարածքում»,-ընդգծել է նա: