ԵԱՀԿ առաքելությունն Ուկրաինայի հարավ ուղարկելը Կիևի իշխանությունների սադրանքն է. Չուրկին

ՄԱԿ-ում Ռուսաստանի մշտական ներկայացուցիչ Վիտալի Չուրկինը չի բացառել, որ Կիևի իշխանությունների կողմից ԵԱՀԿ երկրների դիտորդներին Ուկրաինայի հարավ-արևելք ուղարկելը եղել է սադրանք՝ կազմակերպված Կիևի իշխանությունների կողմից: Այս մասին հայտնում է ria.ru-ն:

«Սա Կիևի իշխանությունների կողմից կազմակերպված  կա′մ սադրանք է, կա′մ «հիմարություն»,- հայտնել է Չուրկինը:

Օրեր առաջ Սլավյանսկում անջատողականների կողմից ձերբակալված էին ԵԱՀԿ երկրներից սպաները, որոնցից մեկը, սակայն, ազատ է արձակվել հիվանդության պատճառով: 

«Ինչպե՞ս կարելի էր ռազմական հյուրերին նստեցնել ավտոբուս և առանց համապատասխան համաձայնության, առանց նրանց կարգավիճակը հաստատող փաստաթղթերն ուղարկել մի մարզ, որը վերահսկում են ինքնապաշտպանության ուժերը»,- ավելացրել է Չուրկինը։