Տուրչինովն Ուկրաինայի շրջանների ղեկավարներին կհրավիրի խորհրդակցության

Ինչպես հայտնում է gazeta.ru-ն, Ուկրաինայի նախագահի պաշտոնակատար Ալեքսանդր Տուրչինովն ապրիլի 30-ին մտադիր է բոլոր շրջանների ղեկավարների մասնակցությամբ խորհրդակցություն անցկացնել: Այդ մասին հաղորդվում է Տուրչինովի պաշտոնական կայքում:

«Գերագույն ռադայի խոսնակ Ալեքսանդր Տուրչինովի նախագահությամբ կկայանա խորհրդակցություն, որին կմասնակցեն շրջանների ղեկավարները»,- ասված է հաղորդագրության մեջ:

Նշենք, որ Ուկրաինայի արևելյան շրջաններում լարված մթնոլորտը չի դադարում. Գորլովկա քաղաքում Ուկրաինայի դաշնայնացման կողմնակիցները գրավել է քաղաքային խորհրդի և մարզային ոստիկանության շենքը: Այս մասին հայտնում է ուկրաինական տեղեկատվական պորտալ «Остров»-ը: