Ինքնահրկիզման փորձ` Ադրբեջանի ՆԳՆ առջև

Այսօր Բաքվում ժամը 12:30-ին Ադրբեջանի ներքին գործերի նախարարության շենքի առջև 35-40-ամյա մի տղամարդ ինքնահրկիզման փորձ է կատարել: Տղամարդը բենզին է լցրել իր վրա և փորձել վառել իրեն, սակայն, ոստիկանության աշխատակիցների միջամտության արդյունքում հաջողվել է կանխել ինքնասպանության փորձը: Ինքնահրկիզման փորձի պատճառների մասին տեղեկություններ չկան:

Ադրբեջանում այս տարվա ընթացքում ինքնահրկիզման են դիմել արդեն 11 քաղաքացի, որոնցից 4-ը' ղարաբաղյան պատերազմի հաշմանդամներ: Նրանք այդ քայլին են դիմել իրենց իրավունքներն իշխանությունների կողմից խախտվելու, կաշառք պահանջելու և այլ պատճառներով: