Մայիսի 9-ից Բեռլուսկոնին Ալցհայմերի հիվանդությամբ տառապողներին կսկսի խնամել

Իտալիայի նախկին վարչապետ Սիլվիո Բեռլուսկոնին, Միլանի Հսկողական դատարանի վճռին համապատասխան, Ալցհայմերի հիվանդությամբ տառապողներին խնամելու հասարակական աշխատանքները կսկսի մայիսի 9-ին: Այդ մասին «Սուրբ ընտանիք» հիմնադրամի գլխավոր տնօրեն Պաոլո Պինյին հայտարարել Է ապրիլի 30-ին Հռոմում կայացած մամուլի ասուլիսում:

Նրա խոսքով՝ Բեռլուսկոնին Ալցհայմերի հիվանդությամբ տառապողներով կզբաղվի պրոֆեսիոնալ բժիշկների եւ բուժքույրերի հսկողության ներքո:

«Այս պահին մենք պայմանավորվել ենք, որ Սիլվիո Բեռլուսկոնին մեզ մոտ կգա մայիսի 9-ին, ինչպես նաեւ մայիսի 17-ին: Նա իր աշխատանքը կսկսի առավոտյան ժամը 09.45-ին»,- հավելել Է Պինյին, հաղորդել Է ՌԻԱ Նովոստին: