Սլավյանսկում սպառնում են «թռցնել» LifeNews-ի` ազգությամբ հայ լրագրող Հերմինա Քոթանջյանի գլուխը (տեսանյութ)

LifeNews-ի` ազգությամբ հայ թղթակցի հասցեին մահվան սպառնալիքներ են տեղում: Ստացված հաղորդագրության մեջ լրագրող Հերմինա Քոթանջյանին սպառնացել են դիպուկահարի կրակոցով «գլուխը թռցնել»: 

«Սլավյանսկում աշխատելու առաջին օրվանից մեր նկարահանող խմբին սպառնում են սոցցանցերում,-հայտարարել է ազգությամբ հայ թղթակիցը:- Այսպես, վերջին ուղիղ միացման ժամանակ Թվիթերի իմ միկրոբոլգում այսպիսի հաղորդագրություն է հայտնվել. «Եթե LifeNews-ը սենսացիաների է սպասում, ապա դիպուկահարները կարմիր պիջակով թղթակցի «գլուխը կթռցնեն»»,-հայտնել է թղթակիցը: 

Քոթանջյանի խոսքով` Սլավյանսկի աշխարհազորայինների ազգային շտաբում արտասահմանյան ԶԼՄ-ների ներկայացուցիչներ չկան. այնտեղ աշխատում են միայն ռուսական ԶԼՄ-ների ներկայացուցիչները: 

«Սլավյանսկում մեր նկարահանող խմբին զուգահեռ աշխատում են նաև "Россия 24" և "Россия 2" հեռուստաընկերությունների լրագրողները: Քաղաքում այլ երկրների թղթակիցներ չկան: Նրանք իրենց հյուրանոցները երեկ են լքել: Դա նախանշան էր շատերի համար, որ թեժ մարտերը կսկսվեն առաջիկա օրերին»,-նշել է լրագրողը: